ٹرائی نیشن سیریز، پاکستان اور سری لنکا آج فائنل میں ٹکرائیں گے

ٹی 20 ٹرائی نیشن سیریز کا فائنل آج پاکستان اور سری لنکا کے درمیان راولپنڈی اسٹیڈیم میں کھیلا جائے گا۔

ٹرائی نیشن سیریز میں پاکستان ٹیم نے 4 میں 3 میچز جیت کر فائنل میں جگہ بنائی ہے، جبکہ سری لنکن ٹیم سیریز کے ابتدائی 2 میچز ہارنے کے بعد فائنل میں پہنچی ہے۔

پاکستانی ٹیم کے کپتان سلمان علی آغا اور سری لنکن کپتان داسن شناکا نے مقامی ہوٹل میں ٹرافی کے ہمراہ تصاویر بنوائیں۔

دونوں ٹیموں کے لئے فیصلہ کن معرکہ آج راولپنڈی اسٹیڈیم میں کھیلا جائے گا، جو شام 6 بجے شروع ہوگا۔

واضح رہے کہ قومی ٹیم کے اوپنر بلے باز صائم ایوب کا کہنا ہے کہ ٹیم کا مورال بلند ہے انشاء اللہ فائنل جیتیں گے۔ میری کوشش ہوگی کہ ٹیم کو فائنل میں کامیابی دلواؤں۔

صائم ایوب نے راولپنڈی میں سری لنکا کیخلاف کھیلے گئے سہ فریقی ٹی ٹوئنٹی سیریز کے آخری گروپ میچ میں شکست کے بعد پریس کانفرنس میں کہا تھا کہ بڑے چھوٹے میچ کی بات نہیں، یہی ڈسکس ہوا ہمارا میچ اہم ہے۔ ہمارا سکور اچھا تھا،کریڈٹ سری لنکا باؤلرز کو جاتا ہے۔

مچل اسٹارک وسیم اکرم کا ریکارڈ توڑنے کے قریب، کتنی وکٹیں درکار؟

قومی بلے باز نے کہا کہ ٹیم کا مورال بلند ہے انشائاللہ فائنل میں جیت ہماری ہوگی، چاہتا ہوں کہ ٹیم کو فائنل جتوانے میں اہم کردار ادا کروں۔

ٹیم کا گراف اوپر جارہا ہے۔ بیٹنگ باؤلنگ فیلڈنگ بہتر ہورہی ہے۔ امید ہے فائنل میں ٹیم اچھا پرفارم کرے گی۔

from ARY News Urdu- Sports- کھیل https://ift.tt/r5P2X8W