ثاقب حسین نے ویرات کوہلی کو آؤٹ کرنا ’ڈریم وکٹ‘ قرار دے دیا

انڈین پریمیئر لیگ میں سن رائزرز حیدرآباد کے فاسٹ بولر ثاقب حسین نے ویرات کوہلی کو آؤٹ کرنا ڈریم وکٹ قرار دے دیا۔

سن رائزرز حیدرآباد کے نوجوان فاسٹ بولر ثاقب حسین نے جمعہ کو اپل اسٹیڈیم میں رائل چیلنجرز بنگلورو کے خلاف ہائی پریشر آئی پی ایل میچ کے دوران ویرات کوہلی کو آؤٹ کرنے کو ڈریم وکٹ قرار دیا ہے۔

بہار میں پیدا ہونے والے 21 سالہ ثاقب نے حیدرآباد کو 55 رنز کی فتح میں اہم کردار ادا کیا۔

فاسٹ بولر نے حیدرآباد کے لیے ایک اور وکٹ لے کر اپنی متاثر کن ڈیبیو آئی پی ایل مہم کو جاری رکھا اور 10 میچوں میں 15 وکٹیں حاصل کیں۔

ثاقب حسین نے میچ کے بعد گفتگو کرتے ہوئے کہا کہ منصوبہ یہ تھا کہ وکٹ کے مطابق بولنگ کی جائے، ویرات کوہلی کی وکٹ میرے لیے خوابوں کی وکٹ تھی۔

Saqib Hussain ne apni bowling me Virat Kohli ko fasa liya
11 ball me sirf 15 run banakar King ko pavilion bhej diya #SRHvsRCB #SaqibHussain pic.twitter.com/VaxTtDyVK4

— Pramod sahu (@PramodK08555177) May 22, 2026

کوہلی 10 گیندوں پر 15 رنز پر بیٹنگ کررہے تھے 11 ویں گیند پر ثاقب نے آف اسٹمپ کے باہر فل گیند پھینکی جسے کوہلی نے ڈرائیو کرنے کی کوشش کی اور گیند سیدھی کور فیلڈر کے ہاتھوں میں چلی گئی اور کوہلی کی اننگز کا خاتمہ ہوگیا۔

مایہ ناز بیٹر کو آؤٹ کرنے کے بعد نوجوان بولر نے مسکراتے ہوئے ہاتھ چومے اور آسمان کی طرف دیکھا اور وہ جذباتی دکھائی دیے۔

تاہم حیدرآباد کے فیلڈرز نے خوب جشن منایا کیونکہ میچ کے شروع میں ٹریوس ہیڈ کو آؤٹ ہونے کے بعد گرما گرم جملوں کا تبادلہ ہوا تھا۔

from ARY News Urdu- Sports- کھیل https://ift.tt/0CxdI1A